Nabasa ko sa isang page sa facebook na “Ang pag-inom ng kape ay may binabagayan”. Ang daming tumakbo sa isip ko noong mga oras na yon, naiinis ako, nababahala at naawa sa mga taong namaliit ng dahil lang sa kape.
Napatiyempo naman na noong isang araw lang sa pagbabakasyon ng pamilya namin sa Salzburg, Austria. Isa sa pinupuntahan talaga namin doon ay ang Starbucks dahil wala sa Italya ng nasabing kapehan.
Medyo nabahala kong isipin na pati ang pag-inom na ng kape ngayon ay nagsisilbi ng estado ng buhay. Uminom ka lang ng kape, napintasan ka na o iba na ang naging tingin sayo. Ang punto ko lang wala ka na bang karapatan makaranas ng sinasabi nilang “sosyal na kape”, paano kung yung pinambili mo dun ay iyong pinaghirapan. Hangga’t wala kang naperwisyong tao, may karapatan ka naman sigurong pasayahin o bigyan ng reward ang sarili mo.
Anong klaseng batayan ang pinaiiral ng tao. Masyadong madaming diskriminasyon ang nangyayari sa mundo.
Random thoughts 